top of page

Украіна пачала думаць пра стратэгію адносна Беларусі


Украіна пачала працэс фармавання доўгатэрміновай стратэгіі для Беларусі, заявіў афіцыйны прадстаўнік палка Каліноўскага Дзмітрый Шчыгельскі.


Раней стратэгіі адносінаў паміж дзвюма краінамі як такой не было, кажуць эксперты, якія ўдзельнічаюць у цяперашняй дыскусіі. Праграмны дакумент створаны фактычна з нуля.


«Мая развага такая, што дзяржава нарэшце ўсвядоміла, што стратэгіі адносін паміж Украінай і Беларуссю ўвогуле няма! І што гэта насамрэч надзвычай важнае пытаньне. Зараз пачынаецца працэс «намацвання» і пошуку агульнага разумення», — кажа Шчыгельскі.

Беларусь — адна з ключавых дзяржаў, якія фарміруюць бяспеку ў рэгіёне. Што будзе пасля сыходу Лукашэнкі, пакуль незразумела. Але ва Украіне трэба разумець, на каго рабіць стаўку, і як будаваць адносіны з ужо дэмакратычнай краінай, у якую павінна ператварыцца Беларусь пасля перамогі Украіны ў вайне.


«Гэта велізарны спектр пытанняў. Ёсць кампаненты, звязаныя з бяспекай, арміяй, мяжой, эканомікай, культурай, цывілізацыйным выбарам, пытаннем NATO, нарэшце, варыянтамі развіцця і інтэграцыі ў цывілізаваны свет. Ці ўступіць Беларусь у НАТО? Ці адродзіцца паўнавартасны Балта-Чарнаморскі саюз? Які будзе лёс Люблінскага трохкутніка? Ці можна казаць пра чатырохкутнік?» — кажа Шчыгельскі.

Цяпер у абмеркаванні стратэгіі ўдзельнічаюць як украінскі ўрад, так і беларускія нацыянальна-дэмакратычныя сілы. Падкрэсліваюць: запрашаюцца ўсе, хто бачыць, якой будзе будучыня дзвюх дзяржаў.


Ад таго, на чыім баку апынецца Беларусь пасля вайны, залежыць неверагодна шмат. Цяпер Лукашэнка ўпэўнена ідзе да таго, што падзеліць з Пуціным лаву падсудных у Гаазе. Відавочна, гэта ўжо яго свядомы выбар.


Ці пацягне дыктатар усю краіну ўніз, пытанне пакуль адкрытае.


コメント


bottom of page