top of page

Канада не ўспрымае Лукашэнку як гаранта незалежнасці Беларусі


Пра гэта падкрэсліла амбасадар Канады ў Польшчы Катрын Годзін падчас сустрэчы з намеснікам кіраўніка сумеснага часовага кабінета, кіраўніком НАУ (Нацыянальнага антыкрызіснага ўпраўлення) Паўлам Латушкам.


Сустрэча была прысвечана шэрагу важных тэм:


  • кампаніі і вынікі выбараў у Каардынацыйны савет;

  • праблема гарманізацыі санкцыяў і неабходнасьці іх пашырэньня ў дачыненьні да рэжыму Лукашэнкі;

  • сітуацыя з палітвязнямі ў Беларусі і асаблівасці падыходу да іх вызвалення.


Ад імя калектыву НАУ амбасадару былі перададзены прапановы аб увядзенні санкцый у дачыненні да канкрэтных прадпрыемстваў ВПК, прапагандысцкіх тэлеканалаў СТВ, АНТ, выдавецкага дома «Беларусь сегодня», БелТА, прапагандыстаў, суддзяў рэжыму Кацярыны Круталевіч - журналіст "Беларусь 1", у якога бралі інтэрв'ю Дар'я Лосік, рэктар БДУ Андрэй Караль і іншыя.


Канадскі бок лічыць важным працягваць гарманізацыю санкцый супраць Расеі і рэжыму Лукашэнкі і спрыяць пасярэдніцтву з іншымі краінамі для гэтай мэты.


Павел Латушка адзначыў актыўную пазіцыю ўрада Канады адносна санкцыйнага ціску на рэжым Лукашэнкі. Катрын Годзін падкрэсліла, што прадстаўленыя камандай НАУ матэрыялы знаходзяць практычную рэалізацыю ў рашэннях аб санкцыях.


У адказ на просьбу юрыстаў NAU амбасадар паабяцаў паспрыяць у наладжванні супрацоўніцтва з канадскімі юрыстамі, якія ад імя Канады вядуць справу супраць Сірыі аб парушэнні Канвенцыі супраць катаванняў. Іх экспертыза будзе карысная для працягу працы НАУ над матэрыяламі, якія пацвярджаюць злачынствы рэжыму Лукашэнкі супраць беларускага народа.


Амбасада Канады выказала падтрымку беларускаму актывісту Андрэю Гнету і паабяцала хутка накіраваць абноўленую інфармацыю пра яго сітуацыю ў амбасаду Канады ў Сербіі.


«Для нас важна, каб Канада паслядоўна падтрымлівала беларускі народ у яго імкненні да свабоднай і дэмакратычнай Беларусі, каб супрацоўніцтва паміж Канадай і беларускімі дэмакратычнымі інстытутамі было змястоўным і эфектыўным», — сказаў Павел Латушка.

留言


bottom of page