top of page

Эўрапейская пэрспэктыва — адзіная альтэрнатыва «русскому миру»

Сьвятлана Ціханоўская і яе намесьнік Валерый Кавалеўскі выступілі сёньня на трэцім пасяджэньні кансультацыйнай групы Беларусь — Эўразьвяз у Брусэлі.

На сустрэчы прадстаўнікоў дэмакратычных сілаў Беларусі і заходніх партнэраў абмяркоўваліся наступныя актуальныя тэмы:


• палітычная сітуацыя ў Беларусі і правы чалавека;

• прыцягненне рэжыму да адказнасці;

• падрыхтоўка да прэзідэнцкай кампаніі 2025 г.;

• намаганні па вызваленні палітвязняў;

• мабільнасць беларусаў і беларусаў.


Адкрыла пасяджэнне групы Святлана Ціханоўская . Асноўныя тэзісы яе выступу:

• «Каб перамагчы рэжым, трэба дамагчыся разумення і падтрымкі народа. Больш, чым калі-небудзь, нам неабходна ўмацоўваць незалежныя СМІ і нашу нацыянальную ідэнтычнасць»;

• «Беларусы павінны бачыць, што эўрапейская пэрспэктыва — адзіная альтэрнатыва «русскому миру». Беларусы павінны адчуваць, што Эўропа на іх баку і што дзьверы Эўропы будуць для іх адчыненыя, калі прыйдзе момант»;

• «У 2025 годзе Лукашэнка спадзяецца правесьці свае «перавыбары». Але нельга дапусціць, каб рэжым «перагарнуў старонку» і вярнуўся да звыклага парадку рэчаў. Гэтыя «выбары» не прызнаныя ні беларусамі, ні міжнароднай супольнасцю. Мы будзем выкарыстоўваць гэтую кампанію, каб мабілізаваць нашых прыхільнікаў і прыцягнуць увагу да сітуацыі ў Беларусі»;

• «Нашым прыярытэтам сёньня павінна стаць падтрымка энэргетыкі беларусаў. Мы павінны падтрымаць тых, хто працягвае барацьбу, як на радзіме, так і ў эміграцыі. Упэўнены, што адкрыецца новае акно магчымасцяў — і мы ўсе разам павінны быць да гэтага гатовыя»;

• «Сытуацыя ў Беларусі патрабуе ад кожнага нестандартных рашэньняў і сьмеласьці, трэба быць рашучым».


Валерый Кавалеўскі ў сваю чаргу акцэнтаваў увагу на наступным:

• падзякаваў еўрапейскім партнёрам за значнае развіццё адносін, у тым ліку са Знешнепалітычнай службай ЕС, Еўрапейскім парламентам, Еўракамісіяй, Еўрапейскім саветам, НАТА і інш.;

• ахарактарызаваў сітуацыю ў Беларусі як такую, што патрабуе нестандартных рашэнняў і мужнасці ад усіх, у тым ліку ад беларускага дэмакратычнага руху, адзначыў неабходнасць рашучасці ў адказе на дзеянні Лукашэнкі, які імкнецца пабудаваць таталітарную сістэму;

• падкрэсліў, што Расія выкарыстоўвае Беларусь у сваіх інтарэсах як інструмент барацьбы з Захадам, узмацняючы свой уплыў у рэгіёне. У той жа час беспакаранасць Расіі і падтрымка Лукашэнкі падштурхоўваюць Пуціна да далейшых агрэсіўных крокаў;

• адзначыў, што абарона незалежнасці Беларусі павінна быць прыярытэтам для таго, каб мець шанец на яе дэмакратычную будучыню і еўрапейскі выбар, а таксама для вырашэння актуальных праблем, такіх як вызваленне палітвязняў і аднаўленне канстытуцыйнага парадку;

• адзначылі неабходнасць прыцягнення Беларусі і яе дэмакратычных сілаў да мірнага працэсу вакол Украіны;

• заклікаў міжнародных партнёраў абмеркаваць стратэгію вываду Беларусі з вайны супраць Украіны і падкрэсліў важнасць асуджэння незаконнай прысутнасці расейскіх войскаў у Беларусі;

• падкрэсліў неабходнасць увядзення санкцый супраць Расіі за яе дзеянні ў Беларусі;

• адзначыў важнасць прызнання інстытутаў дэмакратычных сілаў у Беларусі, узгадаўшы нядаўнія поспехі, такія як падпісанне Ліста аб намерах аб супрацоўніцтве з Еўрапарламентам і пачатак палітычнага дыялогу з NATO;

• заклікаў ЕС падтрымаць палітычнымі дзеяннямі ініцыятыву надання беларускаму парламенту статусу назіральніка ў ААН;

• заклікаў разгледзець магчымасць прызначэння спецыяльнага прадстаўніка ЕС па Беларусі, які будзе каардынаваць намаганні паміж еўрапейскімі інстытутамі, краінамі-членамі ЕС, а таксама знешнімі партнёрамі, такімі як Вялікабрытанія, ЗША і Канада;

• падкрэсліў важнасць падтрымкі незалежных СМІ, праваабарончых арганізацый, дэмакратычных палітычных сіл і грамадзянскай супольнасці ў Беларусі.


Comentarios


bottom of page