top of page

Былая беларуская палітзняволеная Вольга Гарбунова стала лаўрэаткай міжнароднай жіночай прэміі


У пачатку сакавіка 2024 годзе яна будзе ўзнагароджана прэміяй Дзярждэпартамента ЗША «Адважныя жанчыны свету».


Вольга Гарбунова — беларуская праваабаронца. Як адзначаецца ў дакладзе ЗША, яна «прысвяціла сваё жыццё абароне правоў жанчын, дзяцей, ЛГБТКІ+ і іншых маргіналізаваных груп у Беларусі».


За арганізацыю жаночых маршаў падчас пратэстаў 2020 года Вольга Гарбунова «трапіла ў турму і падвяргалася псіхалагічным катаванням з боку ўладаў». Пасля вызвалення Гарбунова была вымушаная з'ехаць з Беларусі ў Літву, дзе ўвайшла ў кабінет лідэркі беларускага дэмакратычнага руху Святланы Ціханоўскай, каб працягваць дапамагаць.


Міжнародная жаночая прэмія Дзярждэпартамента ЗША ўшаноўвае жанчын з усяго свету, якія прадэманстравалі выключную мужнасць, сілу і лідэрства ў барацьбе за мір, справядлівасць, правы чалавека, гендарную роўнасць і справядлівасць, а таксама за пашырэнне правоў і магчымасцей жанчын і дзяўчат ва ўсёй іх разнастайнасці — часцей за ўсё ад вялікай асабістай рызыкі і ахвяр.

Comentários


bottom of page